About Quiz

तर पुन्हा एकदा सज्ज आहोत , सबका विकास महाकोडे या मालिकेतील दुसरी प्रश्नमंजुषा घेऊन, जी प्रधानमंत्री आवास योजना (PMAY) या विषयावर आधारित आहे.

नागरिकांमध्ये जागरूकता निर्माण करण्याच्या प्रयत्नांचा एक भाग म्हणून MyGov India यांनी सबका विकास महाकोडे मालिका सुरू केली आहे. या प्रश्नावलींचा उद्देश म्हणजे सहभागी नागरिकांना भारत सरकारच्या विविध योजना आणि उपक्रमांत बद्दल माहिती देणे व त्यांचा लाभ कसा मिळवावा हा आहे.

या संदर्भात, MyGov तुम्हा सर्वांना सहभागी होण्यासाठी तुम्हाला आमंत्रित करत आहे व तुमचे न्यू इंडियाबद्दलचे ज्ञान तपासण्याची संधी तुम्हाला देत आहे.या प्रश्नमंजुषेतील दुसरे कोडे आता प्रधानमंत्री आवास योजना (PMAY) वर आहे.

आता थोडं  प्रधानमंत्री आवास योजना (PMAY) बद्दल

माननीय पंतप्रधान श्री. नरेंद्र मोदी यांनी न्यू इंडिया अंतर्गत प्रत्येक भारतीयाच्या डोक्यावर पक्के छत असावे हे सुनिश्चित करण्याचे स्पष्ट आवाहन केले आहे.  त्यानुसार देशातील गरीब आणि उपेक्षित लोकांना पक्की घरे उपलब्ध करून देण्याच्या उद्देशाने प्रधानमंत्री आवास योजना सुरू करण्यात आली. शहरी भागांसाठी प्रधानमंत्री आवास योजना अर्बन (शहरी) (PMAY-U) आणि ग्रामीण भागासाठी प्रधानमंत्री आवास योजना ग्रामीण (PMAY-G) या दोन वेगवेगळ्या योजनांद्वारे हे अभियान राबवले जात आहे.

प्रधानमंत्री आवास योजना – ग्रामीण

या योजनेचे मुख्य उद्दिष्ट  ग्रामीण भागातील कच्ची व मोडकळीस आलेल्या घरांमध्ये राहणार्‍या २.९५ कोटी ग्रामीण बेघर कुटुंबांना मुलभूत सुविधांसह २०२४ पर्यंत पक्के घर देण्याचे आहे. या योजनेअंतर्गत लोकांना त्यांचे घर बांधण्यासाठी रोख मदत दिली जाते.

जे नागरिक मैदानी भागात राहतात त्यांना १.२ लाख रुपये दिले जात आहेत; आणि १.३ लाख रुपये डोंगराळ राज्ये, अवघड क्षेत्रे आणि IAP जिल्हे (निवडक आदिवासी आणि मागास जिल्ह्यांसाठी एकात्मिक कृती योजना) येथील नागरिकांना दिले जात आहेत. याशिवाय, स्वच्छ भारत अभियान– ग्रामीणच्या मार्फत शौचालय बांधण्यासाठी १२०००  रुपये देखील दिले जातात.

२८ एप्रिल २०२२ पर्यंत, २.३४ कोटी घरांना मंजुरी देण्यात आली आहे आणि १.७९ कोटी घरे पूर्ण झाली आहेत, अशाप्रकारे कोट्यावधी लोकांच्या आयुष्याला कलाटणी मिळाली आहे व त्यांच्या सामाजिक आर्थिक आणि मानसिक सुरक्षिततेची हमी दिली जात आहे.

PMAY-G (प्रधानमंत्री आवास योजना– ग्रामीण) चा लाभ कसा घ्यावा?

SECC(एस ई सी सी) डेटा आणि आवास + सर्वेक्षण व काही अटींनुसार जे घरहीन आहेत, शून्यात राहणारे, कच्ची भिंत आणि कच्चं छप्पर असलेले, एक किंवा दोन खोली (कच्ची घरे) असणाऱ्या अशा सर्व कुटुंबांचा समावेश हा PMAY-G अंतर्गत पात्र लाभार्थ्यांच्या विश्वामध्ये होतो.सामाजिक–आर्थिक आणि जातिगणना (SECC 2011) यांसारख्या राष्ट्रीय, राज्य आणि ग्रामपंचायत स्तरावरील सर्वेक्षणांच्या मदतीने तयार केलेल्या यादीद्वारे त्यांची ओळख निश्चित केली जाते. ही यादी घर नसलेले खरे लाभार्थी ओळखते आणि या यादीतून वगळलेले लाभार्थी निवारणासाठी स्थानिक कार्यालयात दाद मागू शकतात.

यादी अंतिम झाल्यानंतर लाभार्थीच्या नावाने मंजुरी आदेश जारी केला जातो. लाभार्थीच्या नावे मंजुरीचा मुद्दा लाभार्थ्याला एसएमएसद्वारे देखील कळविला जाईल. लाभार्थी एकतर ब्लॉक ऑफिसमधून मंजुरी ऑर्डर गोळा करू शकतो किंवा त्याचा PMAY-G ID वापरून PMAY-G संकेतस्थळावरून डाउनलोड करू शकतो. पहिला हप्ता लाभार्थीच्या नोंदणीकृत बँक खात्यावर इलेक्ट्रॉनिक पद्धतीने मंजूरीचा आदेश जारी केल्यापासून एका आठवड्याच्या आत (७ कामकाजी दिवस) जमा केला जाईल.

कोणत्याही तक्रारीसाठी, मंत्रालय आणि राज्य संपर्क खात्यातील व्यक्तींशी संपर्क साधला जाऊ शकतो आणि त्यांचे तपशील https://pmayg.nic.in/netiay/contact.aspx या संकेतस्थळावर उपलब्ध आहेत. गुगल प्ले स्टोअरवर – आवास ॲप या नावाने एक मोबाइल ॲप उपलब्ध आहे व त्याच सोबत अधिक तपशिलांसाठी www.pmayg.nic.in हे पोर्टलही तयार करण्यात आले आहे.

प्रधानमंत्री आवास योजना – अर्बन (शहरी)

जून २०१५ मध्ये प्रधानमंत्री आवास योजना – अर्बन (शहरी) सुरू करण्यात आली होती . शहरी भागातील पात्र लाभार्थी कुटुंबांना ‘पक्के घर’ देण्याच्या दृष्टीने ‘सर्वांसाठी घरे’ या संकल्पनेची नांदी झाली. या अभियाना अंतर्गत, झोपडपट्टीतील रहिवासी आणि आर्थिकदृष्ट्या कमकुवत वर्ग (EWS), निम्न उत्पन्न गट (LIG) आणि मध्यम–उत्पन्न गट (MIG) श्रेणीतील इतर नागरिकांच्या घरांच्या गरजा पूर्ण करण्यासाठी राज्ये/केंद्रशासित प्रदेशांना केंद्रीय सहाय्य प्रदान करण्यात आले आहे.

ज्यांच्याकडे जमीन पट्टा आहे अशा लाभार्थ्यांना आर्थिक मदतीची सहाय्यता केली जाते आणि ज्यांच्याकडे जमीन नाही ते बांधलेल्या घरांसाठी पात्र ठरू शकतात. या योजनेचा तुम्हाला अनेक पद्धतीने लाभ होऊ शकतो जसे की स्वतःचे पक्के घर बांधण्यासाठी किंवा घर घेण्यासाठी आर्थिक सहाय्य, शौचालय, स्वयंपाकघर, पाणी आणि वीज पुरवठा यासारख्या मूलभूत सेवांची तरतूद आणि महिला सदस्यांच्या नावे किंवा महिलांना सक्षम करण्यासाठी संयुक्त नावाने मालकी.

सुमारे १.२ कोटी घरांना मंजुरी मिळाली आहे आणि मार्च २०२२ पर्यंत ५८ लाख घरे पूर्ण झाली आहेत.

PMAY-U चा लाभ कसा घ्यावा?

इच्छुक लाभार्थ्यांनी त्यांच्या संबंधित क्षेत्रातील नागरी स्थानिक संस्थेशी संपर्क साधणे आवश्यक आहे. क्रेडिट लिंक्ड सबसिडी स्कीम (CLSS) या योजनेअंतर्गत लाभांसाठी, लाभार्थ्यांनी गृहकर्जावरील व्याज अनुदानाचा दावा करण्यासाठी थेट बँक/हाऊसिंग फायनान्स कंपनीकडे अर्ज करणे आवश्यक आहे.

मदतीसाठी हे हेल्पलाइन क्रमांक  ०११–२३०६३२८५ आणि  ०११–२३०६०४८४ उपलब्ध  करण्यात आले आहेत. भुवन अ‍ॅप, भारत एचएफए अ‍ॅप, जीएचटीसी इंडिया अ‍ॅप आणि पीएमएवाय (अर्बन) अ‍ॅप ही मोबाईल ॲप्स वापरात आहेत. यासोबतच  https://pmay-urban.gov.in आणि https://pmaymis.gov.in अशी दोन पोर्टल्स देखील स्थापन करण्यात आली आहेत.

महाकोड्याची अनोखी वैशिष्ट्ये

MyGov चे साथी/वापरकर्ते त्यांच्या आवडीच्या कोणत्याही राज्याच्या आवृत्तीची निवड करून हा खेळ (महाकोडे) खेळू शकतात. प्रश्नमंजुषेतील कोडे आता प्रधानमंत्री आवास योजनेशी आणि त्या विशिष्ट राज्याशी संबंधित असतील. प्रश्नमंजुषा इंग्रजी, हिंदी आणि प्रादेशिक भाषांसह अनेक भाषांमध्ये उपलब्ध असेल. 

मग वाट कसली पाहताय..

सर्वांनी नक्की सहभाग घ्या… 

खेळा, शिका व आकर्षक बक्षिसे जिंका.